
aHOST kompaniyasi Kabo-Verde davlatiga tegishli xalqaro .CV domen zonasida ro‘yxatdan o‘tkazish uchun maxsus aksiyani e’lon qildi. Aksiya doirasida domenni bir yilga ro‘yxatdan o‘tkazish narxi 140 000 so‘mdan 34 000 so‘mgacha pasaytirildi. Bu avvalgi narxdan to‘rt baravardan ko‘proq arzon.
Aksiya .CV domen zonasi reyestri bilan hamkorlikda tashkil etilgan bo‘lib, 2026-yil 12-noyabrdan 2027-yil 30-iyungacha davom etadi. Unda jismoniy shaxslar ham, kompaniyalar ham ishtirok etishlari mumkin.
.CV domen zonasi o‘zining internetdagi professional sahifasiga ega bo‘lishni istagan mutaxassislar uchun ayniqsa qiziqarli. CV qisqartmasi xalqaro miqyosda Curriculum Vitae, ya’ni rezyume ma’nosida keng qo‘llaniladi. Shu sababli ushbu domen shaxsiy sayt, portfolio yoki professional sahifa yaratish uchun juda mos keladi.
Domen orqali rezyume joylashtirish, bajarilgan ishlarni namoyish etish, ijtimoiy tarmoqlar va professional profillarga havolalarni birlashtirish, shaxsiy nom bilan elektron pochta manzilini yaratish hamda shaxsiy yoki tijorat loyihalarini rivojlantirish mumkin.
Ushbu taklif talabalar, bitiruvchilar, frilanserlar, dizaynerlar, dasturchilar, fotograflar va xalqaro auditoriya bilan ishlaydigan boshqa mutaxassislar uchun foydali bo‘ladi.
aHOST ma’lumotlariga ko‘ra, bunday qulay narxni taklif qilish kompaniyaning domen reyestri bilan to‘g‘ridan-to‘g‘ri hamkorligi orqali amalga oshmoqda. Kompaniya O‘zbekistondagi ICANN akkreditatsiyasiga ega registrator bo‘lib, domen reyestrlari bilan vositachilarsiz ishlash va maxsus hamkorlik aksiyalarida qatnashish imkoniyatiga ega.
Aksiya shartlari:
Domen zonasi: .CV
Ro‘yxatdan o‘tkazish narxi: 140 000 so‘m o‘rniga 34 000 so‘m
Ro‘yxatdan o‘tkazish muddati: 1 yil
Aksiya muddati: 2026-yil 12-noyabrdan 2027-yil 30-iyungacha
Ishtirokchilar: jismoniy va yuridik shaxslar
Domen nomining bo‘shligini tekshirish va .CV domenini maxsus narxda ro‘yxatdan o‘tkazish uchun aHOST saytiga tashrif buyurish mumkin.