.UZ milliy domen zonasi ma'muriyati UZINFOCOM mutaxassislari tomonidan Tashkent International University of Education (TIUE) talabalari uchun o'quv master-klassi tashkil etildi.
Uchrashuv davomida ishtirokchilarga internet rivojlanishining zamonaviy bosqichlari - Web 2.0 konsepsiyasidan tortib Web 3.0 imkoniyatlarigacha batafsil tushuntirib berildi. Shuningdek, bugungi kunda raqamli muhit va mehnat bozorini o'zgartirib borayotgan blokcheyn texnologiyalari hamda sun'iy intellekt yo'nalishlariga alohida e'tibor qaratildi.
Talabalar katta qiziqish bildirdi: faol savollar berishdi, o'z fikrlarini bildirishdi va IT sohasidagi dolzarb tendensiyalarni muhokama qilishdi. Jonli muloqot mavzularni yanada chuqurroq ochishga va tadbirni foydali o'tkazishga yordam berdi.
Master-klassning asosiy maqsadi yoshlarning kasbiy ko'nikmalarini rivojlantirish va zamonaviy texnologiyalarga bo'lgan qiziqishni oshirishdan iborat bo'ldi. Bunday tashabbuslar raqamli kompetensiyalarni shakllantirishda muhim ahamiyat kasb etadi hamda talabalar uchun IT sohasida kelajakdagi faoliyatga tayyorgarlik ko'rishga yordam beradi.
Tadbir yakunida tomonlar hamkorlikni davom ettirishga tayyor ekanliklarini bildirishdi. Kelgusida yangi qo'shma ta'lim loyihalari va tadbirlar o'tkazilishi rejalashtirilmoqda.
Manba: https://cctld.uz/news


